वालिङ,२ फागुन–गण्डकी प्रदेश विधायन समितिका सभापति मोहन प्रसाद रेग्मीले खेलाडी र खेल क्षेत्रको विकासको लागि सदैव सहयोग गर्ने बताउनुभएको छ । शनिबार देखि स्मार्ट युथ क्लब वालिङ १० को आयोजनामा भकुण्डे स्थित पूर्णामृत भवानी माविको खेल मैदानमा सुरु भएको खेलकुद प्रतियोगिताको उद्घाटन समारोहमा बोल्दै रेग्मीले खेल क्षेत्र र खेलाडी संगै सिंगो नगरपालिकाको विकास निर्माणमा आफ्नो तर्फबाट सक्दो भूमीका खेल्ने समेत बताउनुभयो । गण्डकी प्रदेश सरकार एक स्थानीय तह एक खेल मैदान निर्माण गर्ने योजनामा लागेको बताउदै यो कार्यले पनि खेल क्षेत्रमा सहयोग पुग्ने बताउनुभयो । कार्यक्रममा नेकपा क्षेत्र नम्बर दुईका अध्यक्ष कृष्ण खाँण, वडा नम्बर १० का वडा अध्यक्ष अनन्तराज गैह्रे क्लबका हल्लाहाकार उमेश दर्लामी अगायतले बोल्नुभएको थियो । क्लबले एकै पटक भलिबलका साथै सेभेन ए साइड फुटबल प्रतियोगिताको आयोजना गरेको र प्रतियोगित दश दिन सम्म सञ्चालन हुने अध्यक्ष निर्मल गुरुङले जानकारी दिनुभयो ।