गल्याङ,१ फागुन– गल्याङ नगरपालिका १ राम्दीमा शिबपार्वती बृद्धाश्रम एवम् बहुउद्देश्यीय सहकारी संस्थाको १२ औं साधारणसभा एवम् चौथो अधिबेशन शनिबार सम्पन्न भएको छ । कार्यक्रममा प्रमुख अतिथि भागवत अलंकार नेत्रप्रसाद पराजुलीले संस्थाले जेष्ठ नागरिकका लागि निकै राम्रो काम गरेको भन्दै प्रशंसा गर्नुभयो ।
उहाँले अनाथ तथा असाहाय जेष्ठ नागरिकको सेवामा क्रियाशिल रहेको भन्दै शिबपार्वती बृद्धाश्रम एवम् बहुउद्देश्यीय सहकारी संस्थाले यस क्षेत्रमा नै उदाहरणीय काम गरेको बताउनुभयो ।
पराजुलीले संसारमा छोडेर जादा आफ्नो केही नहुने भएकाले यस्ता पुनित कार्यहरु व्यक्ति वा संस्थाले सधैं गर्दै जानुपर्ने बताउनुभयो ।
कार्यक्रममा गल्याङ नगरपालिका प्रमुख भुपराज अधिकारीले शिबपार्वती बृद्धाश्रम एवम् बहुउद्देश्यीय सहकारी संस्था वालिङमा स्थापित भएपनि राम्दीमा आइ जेष्ठ नागरिकहरुका लागि कार्य गरेको भन्दै प्रशंसा गर्नुभयो । उहाँले गल्याङ नगरपालिका पनि जेष्ठ नागरिक आश्रमलाई अझै आधुनिक र व्यवस्थित बनाउने पक्षमा रहेको भन्दै सहकार्य गरी पुण्य काममा हातेमालो गर्न आग्रह गर्नुभयो ।
फरक ठाउँको संस्था हुँदा छलफल कम हुने गरेको र यसले कहिलेकाँही केही विषयमा बुझाईमा समस्या पर्ने गरेको भन्दै उहाँले त्यस्ता सबै कुराहरुलाई छलफलको माध्यमबाट समाधान गर्नुपर्नेमा जोड दिनुभयो ।
नगरप्रमुख अधिकारीले संस्था स्थापना देखि हाल सम्म संस्थाले जेष्ठ नागरिकहरुका लागि पु¥याएको योगदानको सबैले सम्मान गर्नुपर्ने बताउनुभयो । कार्यक्रम संस्थाकी अध्यक्ष कविता तिवारीको अध्यक्षतामा सम्पन्न भएको थियो ।