वालिङ,३० माघ– वालिङ नगरपालिका १० भकुण्डे स्थित क्याम्पस चोकमा रहेको फुलबारी बचत तथा ऋण सहकारी संस्था सम्मानीत भएको छ । राष्ट्रिय सहकारी बैंक लिमिटेडले जिल्ला सदरमुकाममा वालिङमा रहेको फुलबारी बचत तथा ऋण सहकारी संस्थाले आर्थिक कारोबार नियमित एवं उत्कृष्ठ गरेको भन्दै राष्ट्रिय सहकारी बैंक लिमिटेडको जिल्ला सदरमुकाममा सेवा कार्यालयको स्थापनाको अवसर पारेर सम्मान गरेको हो । स्थापना कालको छोटो समयमै एक स्थापित संस्थाको रुपमा पहिचान बनाउन सफल भएको फुलबारी बचत तथा ऋण सहकारी संस्थाले आर्थिक, सामाजिक एवं शेयर सदस्य केन्द्रित कार्यक्रहरु सञ्चालन गर्दै आएको छ भने वालिङ नगरपालिका १४ डुम्रेभञ्ज्याङबाट समेत सेवा दिदै आएको छ । राष्ट्रिय सहकारी बैंक लिमिटेडले गरेको सम्मानले आफुहरुलाई थप उत्साहित बनाएको सहकारीका अध्यक्ष शोेभाकान्त पौडेलले बताउनुभयो । पौडेलले भन्नुभयो, ‘राष्ट्रिय सहकारी बैंक लिमिटेडले हाम्रो संस्था फुलबारी बचत तथा ऋण सहकारीलाई जिल्लामै उत्कृष्ठ संस्थाका रुपमा सम्मानीत गरेको छ, यो सम्मानले काम गर्ने थपहौसला मिलेको छ । संस्थाले भवन निर्माणको लागि जग्गा समेत किनिसकेको र आफ्नै भवनबाट सेवा प्रभाहा गर्ने योजना अनुसार काम भइरहेको समेत जानकारी दिनुभयो ।