वालिङ,३० माघ– वालिङ नगरपालिका १४ तमादिमा जिप दुर्घटना हुदा तीन जना घाईते भएकाछन् । वालिङबाट तमादितर्फ जादै गरेको ग २ च ३०२६ नम्बरको जिप तमादिमा दुर्घटनामा परेको हो । जिमा सवार दुई यात्रु सहित चालकलाई सामान्य चोट लागेको र घाईतेहरुको गह्रौ अस्पतालमा उपचार भइरहेको राजु काफ्लेले जानकारी दिनुभयो । जिप ग्रामीण कच्चि सडकदेखि करिब ३० मिटर तल झरेको काफ्लेले बताउनुभयो । घाईते हुनेहरुमा जिप चालक प्रम कुवँर वालिङ १४ का शिव लुइटेल र दिपु लुइटेल रहेको स्थानीय बासिन्दाले जानकारी दिएकाछन् । वडा प्रहरी कार्यालय वालिङले दुर्घटना भएको भन्ने खबर आएको र प्रहरीको टोली घटना स्थल तर्फ जादै गरेको जनाएको छ । तस्विरः राजु काफ्ले