वालिङ, ८ माघ–नेपाल मौरीपालक महासंघ स्याङ्जाको पाँचौ जिल्ला अधिवेसन तथा सातौँ वार्षिक साधारण सभा स्याङ्जामा सम्पन्न भएको छ ।
अधिवेसन तथा साधारण सभाको उद्दघाटन गर्दै रेशम विकास कार्यक्रम प्रमुख विनोद हमालले कृषि नै समृद्धिको आधार भएकाले कृषकहरुलाई व्यवसायिक कृषिमा अभिप्रेरित गर्न ज्ञान केन्द्र र रेशम विकास कार्यक्रमले सहयोग गरिहेको बताउनुभयो । प्रमुख हमालले व्यसायिक मौरी पालनमा लाग्न कृषकहरुलाई ज्ञान केन्द्र तथा रेशम विकासले समेत अनुदानमा मौरीका घारहरु वितरण गर्नुका साथै तालिमहरु प्रदान गर्दै आईरहेको बताउनुभयो ।
कार्यक्रममा सुन्तला सुपरजोनका प्रमुख माधव लम्सालले मौरीपालक महासंघ मौरीकृषकहरुको संस्था भएकाले मौरीपालक कृषकहरुलाई थप अगाडि बढाउन र संरक्षण गर्न भुमिका खेल्दै आएको बताउनुभयो । अधिवेसनले श्यामप्रसाद अर्यालको अध्यक्षमातामा १५ सदस्यीय नेपाल मौरीपालक महासंघ स्याङ्जा निर्वाचित गरेको छ । महासंघको उपाध्यक्षमा विश्वबन्धु पौडेल, सचिवमा रामजीप्रसाद पौडेल र कोषाध्यक्षमा दुर्गादेवि सुवेदी रहनुभएको छ । त्यस्तै सदस्यहरुमा पदमबहादुर अर्याल, मनबहादुर बुढाथोकी लगायत रहनुभएको छ । कार्यक्रममा नवनिर्वाचित मौरीपालक महासंघका अध्यक्ष अर्यालले मौरीपालनलाई विस्तार गरी कृषकको हितमा काम गर्ने वातावरण बनाउन महासंघ प्रतिवद्ध रहेको बताउनुभयो । मौरीपालनलाई व्यसायिक रुपमा विस्तार गर्न सबैको सकरात्मक सहयोग आवश्यक रहेको भन्दै नवनिर्वाचित टिम कृषकको हितमा लागिपर्ने बताउनुभयो ।