वालिङ,२ माघ– मालपोत कार्यालयमा जग्गा रोक्का राख्दा तिर्नुपर्ने राजस्वका बारेमा परिमार्जन गर्नुपर्ने विषयमा छल्फल भएको छ । वालिङ उद्योग वाणिज्य संघका अध्यक्ष एवं उद्योग वाणिज्य महासंघका केन्द्रीय सदस्य शोभाकान्त पौडेलले बैंक तथा बित्तिय संस्थाबाट कर्जा लीने क्रममा मालपोत कार्यालयले दृष्टिबन्धक गरी रोक्का गर्ने प्रकृयाका कारण बैंक तथा बित्तिय संस्थाबाट कर्जा लीने व्यावसायीहरु मर्कामा परेकोले समस्या समाधानको लागि भूमी व्यवस्थापन तथा अभिलेख विभाग काठमाडौंमा पुगेर विभागका महानिर्देशक शेषनारायण पौडेल सँग छलफल गरेको बताउनुभयो । बैंक तथा वित्तिय संघ सस्थाबाट कर्जा लीनेक्रममा मालपोत कार्यालयमा एक पटक दृष्टिबन्धक गरिसकेपछि सोही कर्जा अन्तरगत कर्जा रकम थप गर्नु पर्ने भएमा थप गरिएको रकमको मात्रै राजस्व तिरे पुग्ने व्यवस्था मिलाउन माग गर्दै विभागका महानिर्देशक पौडेल सँग छलफल गरेको र आफुहरुको मागका सम्बन्धमा महानिर्देशक पौडेल सकरात्मक भएको बताउदै सो समस्या छिट्टै समाधान गर्ने आश्वासन समेत दिनुभएको अध्यक्ष पौडेलले जानकारी दिनुभयो ।
साथै मालपोतमा जग्गा रोक्का गर्दा लाग्ने शुल्क न्युन हुनेपर्ने र कर्जा लिदा रोक्का बापत लाग्ने दस्तुर बैंक वित्तिय सस्थाका नाममा नभइ कर्जा लिने व्याक्तिका नाम्मा काटने व्यवस्था मिलाउन माग गरेको अध्यक्ष पौडेलले बताउनुभयो ।
यसै गरी पौडेल नेतृत्वको टोलीले बुटवलपावर कम्पनी लिमिटेडको काठमाडौंमा रहेको बुटवल पावर लिमिटेडको विद्युत वितरण शाखाका प्रमुख प्रकाश श्रेशठ संग कार्यालयमा भएको छल्फलमा विद्युत महशुल खल्ती र इ सेवा मार्फत बुजाउन मिल्ने व्यवस्था मिलाउन माग गरेको र आफुहरुको मागका बारेरमा कार्यालयको तर्फबाट श्रेष्ठले फगुन चैत महिना भित्रै वालिङ क्षेत्रको लागि सो सेवा उपगराउने बताएको टोलीले जानकारी दिएको छ भने उद्योग वाणिज्य महासंघका अध्यक्ष शेखर गोल्छा सहित महासंघका पदाधिकारीहरु संग उद्योगी व्यावसायीहरुका समस्याका बारेमा छल्फल गरिएको भेटमा सहभागी टोलीले जनाकारी दिएको छ ।
वालिङ उद्योग वाणिज्य संघका अध्यक्ष एवं उद्योग वाणिज्य महासंघका केन्द्रीय सदस्य शोभाकान्त पौडेलको नेतृत्वमा वालिङ उद्योग वाणिज्य संघका महासचिव ध्रुव खाँण र जिल्ला सहकारी संघका अध्यक्ष लक्ष्मीपती पौडेलको टोलीले काठमाडौं पुगेको थियो ।
वालिङ उद्योग वाणिज्य संघका अध्यक्ष शोभाकान्त पौडेलको नेतृत्वमा यस अघि मालपोत कार्यालय वालिङ र बुटवलपावर कम्पनी लिमिटेड वालिङ शाखामा ज्ञापन पत्र बुझाइएको थियो ।