स्याङ्जा, १३ पुस – जिल्ला प्रहरी कार्यालय स्याङ्जाले अवैध सालको काठ बरामद गरेको छ । आइतबार राती गल्याङ नगरपालिका ९ चिड्डाडाबाट सालको गोलीया प्रहरीले नियन्त्रणमा लिएको हो । सागर खनालको फर्निचरमा लुकाएर राखेको अवस्थामा १० थान गोलीया र चिरेको अवस्थामा १९ थान सालको काठ वरामद गरेको प्रहरीले जनाएको छ ।
यसैगरी गल्याङ ९ कै साङ्लीयामा बाटोमा बेवारिसे अवस्थामा रहेको चिरेको १४ थान र ३२ थान गोलीया गरी जम्मा थान ७५ सालको काठ वरामद गरिएको जिल्ला प्रहरी कार्यालय स्याङ्जाका प्रहरी नायव उपरीक्षक राजेन्द्रप्रसाद अधिकारीले जानकारी दिनुभयो । वरामद गरिएका काठ आवश्यक कारवाहीको लागि सव डिभिजन बन कार्यालय गल्याङमा पठाइएको प्रहरीले जनाएको छ ।