वालिङ, ९ पुस– भीरकोट नगरपालिका ५ पकान स्थित महिला जागरण बहुउद्देश्यीय सहकारी संस्थाको १९औँ साधारण सभा बिहीबार सम्पन्न भएको छ । साधारण सभाको उद्दघाटन गर्दै भीरकोट नगरप्रमुख छाँयाराम खनालले सहकारीका माध्यमबाट समृद्धि संवभ रहेको बताउनुभयो । साथै प्रमुख खनालले सहकारी संस्थाहरुसंग नगरपालिकाले सहकार्य गर्दैै नागरिकलाई आर्थिक रुपमा सशक्त बनाउने भन्दै आर्थिक पारदर्शिता हुनुपर्ने बताउनुभयो । प्रमुख खनालले भन्नुभयो, ‘दैनिक वचत संकलनलाई बैंकिङ प्रणालीमा लैजादाँ पारदर्शिता बढ्छ । बहुउद्देश्यीय संस्था अन्य संस्था तथा पालिकासंग सहकार्य गर्दै सदस्यलाई उत्पादनतर्फ प्रेरित गनुपर्छ ।’
कार्यक्रममा वडा अध्यक्ष यामप्रसाद अधिकारीले सहकारीहरु बचत ऋणमा मात्रै सिमित नभई उत्पादनमुलक कार्यमा लगानी पढाउनुपर्नेमा जोड दिनुभयो । शान्ती अर्यालको स्वागत मन्तव्य संगै सुरुभएको कार्यक्रम संस्थाकी अध्यक्ष देवी तिवारीको अध्यक्षता र युगमाया अर्यालले सञ्चालन गर्नुभएको थियो ।