स्याङ्जा, ४ पुस– कालिगण्डकी गाउँपालिका ३ वैघा बारिचौरमा शनिबार झलुङ्गे पुलको शिलान्यास गरिएको छ । कालीगण्डकी गाउँपालिकाका अध्यक्ष खिमबहादुर थापाले एक कार्यक्रमका विच सो पुलको शिलान्यास गर्नुभएको हो ।

स्याङ्जाको कालीगण्डकी गाउँपालिका ३ र पाल्पाको बङनासकाली गाउपालिका ६ मन्द्रान जोड्ने ३ सय ४२ मिटर लम्बाईको पुल संघिय सरकार र स्थानीय सरकार कालीगण्डकी गाउँपालिकाको रु दुई करोड ६७ लाखको लागतमा निर्माण गर्न लागिएको हो ।

कालीगण्डकी नदिमा निर्माण गर्न लागिएको सो पुल निर्माण कार्य सम्पन्न भएपछि स्याङ्जा र पाल्पाका जनतालाई आवत जावतमा सहज निकै सहजहुने गाउँपालिकाका अध्यक्ष थापाले बताउनुभयो । थापाले भन्नुभयो, “वारिपारी देख्दा दुरी नजीक भएपनि बिचमा बगेको कालीगण्डकीले टाढा बनाएको थियो पुल निर्माण कार्य सम्पन्न भएपछि हामीलाई एक आपसमा जोड्नेछ ।” गाउँपालिकाको विकास निर्माणमा आफुहरु जनतासंग संगसंगै रहेर काम गरेकोले गाउँपालिका भित्र रहेका धेरै समस्याहरु समाधानको नजिक पुगेको समेत बताउनुभयो ।