वालिङका,२६ साउन– वालिङ निगरपालिका ९ भुम्रे निवासी बसन्त श्रेष्ठ मृत अवस्थामा भेटिनुभएको छ । बिहीबार बिहान वालिङ नगरपालिका १३ गाहाखोला स्थित आँधिखोलामा जाने भित्री कच्चि सडक खण्डमा ग १६ प ५४६१ नम्बरको स्कुटी सहित ५५ वर्षीय श्रेष्ठलाई मृत अवस्थामा भेटिएको जिल्ला प्रहरी कार्यालयले जनाएको छ ।

कच्चि सडकको किनारमा लडिरहेको अवस्था सर्वसाधारणले देखेपछि प्रहरीलाई खबर गरेको र खबर पाए लगतै वडा प्रहरी कार्यालय वालिङबाट गएको प्रहरीको टोलीले मृतक श्रेष्ठको शवलाई मुचुल्का गरी गह्रौ प्राथमीक अस्पतालमा राखिएको छ । श्रेष्ठ २०७४ सालको स्थानीय तहको निर्वाचनमा वालिङ नगरपालिका ९ बाट वडा अध्यक्षमा निर्वाचित हुनुभएको थियो ।

पिसजोन इन्डिग्रेटेड एजुकेशनल एकेडेमी वालिङ ९ भुम्रेका सञ्चालक समितिका अध्यक्ष समेत रहनुभएको श्रेष्ठको मृत्युलाई मृत्यु नभएर हत्या भएको हुनसक्ने सर्वसाधारणले आशंका गरेकाछन् । शिक्षा प्रेमी । घटना बारे थप अनुसन्धान भइरहेको जिल्ला प्रहरीकार्यालय स्याङ्जाका सूचना अधिकारी प्रहरी नायव उपरीक्षक रबिन्द्र खनालले जानकारी दिनुभयो ।