वालिङ,१३ असार– कालीगण्डकी गाउँपालिकाले आर्थिक वर्ष २०७९÷०८० का लागि बजेट सार्वजनिक गरेको छ । गाउँपालिकाकी उपाध्यक्ष सावित्रा कोइरालाले ११औं गाउँसभामा ५६ करोड ९१ लाख ५० हजार बराबरको बजेट सार्वजनिक गर्नुभएको हो ।

विनियोजित रकमको चालुतर्फ ३२ करोड २५ लाख ५५ हजार र पुँजीगततर्फ २४ करोड ६५ लाख ९५ हजार रहेको छ ।
विनियोजित बजेट मध्ये आर्थिक विकासमा ३ करोड १० लाख ५ हजार समाजिक विकासमा २५ करोड ३५ लाख १५ हजार, पूर्वाधार क्षेत्रमा १९ करोड ४३ लाख ५० हजार सुशासन तथा अन्तरसम्बन्धित क्षेत्रमा १ करोड २० लाख ५० हजार र कार्यालय सञ्चालन तथा प्रशासनिक क्षेत्रमा ७ करोड ८२ लाख ३० हजार रहेको छ ।