वालिङ,१३ वैशाख– यही वैशाख ३० गते हुने स्थानीय तहको निर्वाचनको लागि नेकपा एकालेको तर्फबाट पुतलीबजार नगरपालिका स्थित निर्वाचन अधिकृतको कार्यालयमा पुगेर उम्मेदवारी दर्ता गरिएको छ ।

पुतलीबजार नगरपालिकाको नगरप्रमुखको लागि एमालेका तर्फबाट उम्मेदवार बन्नुभएकी सीमा क्षेत्रीले उम्मेदवारी दर्ता गराउनुभएको छ भने उपप्रमुखको लागि महेश पुरीले उम्मेदवारी दर्ता गराउनुभएको छ । नगरप्रमुखका उम्मेदवार क्षेत्री सहित उपप्रमुख, वडा अध्यक्ष र सदस्यका उम्मेदवारहरु निर्वाचन अधिकृतको कार्यालयमा पुगरेर उम्मेदवारी दर्ता गराएको नेकपा एमाले पुतलीबजार नगरकमिटीले जनाएको छ ।
उम्मेदवारी दर्ताको लागि एमाले कार्यकर्ताहरु नाराजुलुस सहित निर्वाचन कार्यालय पुगेका थिए ।

पुतलीबजार नगरपालिकामा एमालेले पहिलेकै उम्मेदवारलाई यस पटक पनि दोहो¥याएको हो । स्थानीय तहको ०७४ को निर्वाचनमा विजयी हुनुभएका क्षेत्री र पुरी यस पटक पनि उम्मेदवार बन्नुभएको हो ।