वालिङ,१२ वैशाख– यही वैशाख ३० गते हुने स्थानीय तहको निर्वाचनको लागि उम्मेदवारी मनोनयनको अन्तिम दिन आज नेपाली कांग्रेसको तर्फबाट वालिङ नगरपालिका स्थित निर्वाचन अधिकृतको कार्यालयमा पुगेर उम्मेदवारी दर्ता गरिएको छ ।

वालिङ नगरपालिकाको नगरप्रमुखको लागि दिलिप प्रताप खाँणले उम्मेदवारी दर्ता गराउनुभएको छ भने उपप्रमुखको लागि कविता तिवारीले उम्मेदवारी दर्ता गराउनुभएको छ । नगरप्रमुखका उम्मेदवार खाँण सहित उपप्रमुख, वडा अध्यक्ष र सदस्यका उम्मेदवारहरु निर्वाचन अधिकृतको कार्यालयमा पुगरेर उम्मेदवारी दर्ता गराएको नेपाली कांग्रेसले जनाएको छ ।

उम्मेदवारी दर्ताको लागि कांग्रेस कार्यकर्ताहरु नाराजुलुस सहित निर्वाचन कार्यालय पुगेका थिए ।
नगरप्रमुखको लागि उम्मेदवारी दर्ता गराउनुभएका खाँण नेपाली कांग्रेसका क्षेत्रीय सभापती हुनुहुन्छ भने वालिङ नगरपालिकाको नगरप्रमुखको रुपमा रहनुभएका खाँण नगरप्रमुखबाट राजीनामा दिएर दोस्रो कार्यकालका लागि उम्मेदवारी दर्ता गराउनुभएको हो ।