वालिङ,८ मङ्सिर- नेपाल कम्युनिष्ट पार्टी (एमाले) को आसन्न दशौँ राष्ट्रिय महाधिवेशनको प्रचार प्रसारका लागि वालिङमा बृहत मोटरसाईकल र्याली गरिएको छ । एमाले वालिङ नगरकमिटीले मोटर साईकल र्यालीको आयोजना गरेको हो । पार्टी कार्यालय भकुण्डेबाट ¥याली शुरु गरिएको हो ।

पार्टी कार्यालयबाट शुरु भएको ¥याली भकुण्डे, भुम्रे, तल्लो वालिङ, वालिङ मोड हुँदै मिर्दि, रामबाच्छा, त्रियासी खहरेहुँदै पुनः वालिङ मोडमा आएर समापन भएको थियो ।

र्यालीको समापनका अवसरमा बोलने वक्ताहरुले महाधिवेशन सफल पार्न सबै नेताकार्यकर्ताहरुलाई एक भई अगाडि बढ्न आग्रह गरेका थिए ।

एमालेको दशौं महाधिवेशन पछि पार्टी झनै सशक्त भएर उदाउने वक्ताहरुको भनाई थियो । ७ किलोमिटरको ¥यालीमा ३०० मोटरसाईकलमा ५०० जना सहभागि भएको एमाले नगरकमिटी अध्यक्ष शोभाकान्त पौडेलले जानकारी दिनुभयो ।