वालिङ, ४ मङ्सिर– नेपाली कांग्रेस स्याङ्जाले १४ औं महाधिवेसन अन्तरगत प्रदेश सभा क्षेत्रीय समितिको निर्वाचन सम्पन्न गरेको छ ।
एक नम्बर निर्वाचन क्षेत्र प्रदेश क बाट सभापतिमा केशरबहादुर खाँण (ध्रुव) निर्वाचित हुनुभएको छ । यसै गरी ख बाट प्रकाश तिवारी निर्वाचित हुनुभएको छ ।

दुई नम्बर निर्वाच क्षेत्र प्रदेश क बाट अर्जुनप्रसाद खनाल सभापतिमा विजयी हुनुभएको छ भने उपसभापति पदमा कुलबहादुर गुरुङ र भविश्वर कोईराला विजयी हुनुभएको छ । सचिवमा डण्डपानी पंगेनी र अमृत अर्याल विजयी हुनुभएको छ ।
यसै गरी प्रदेश सभा ख बाट महेश भट्टराई सभापतिमा निर्वाचित हुनुभएको छ । नेपाली कांग्रेसका उमेदवारहरु प्यानलनै बनाएर चुनावी मैदानमा उत्रिएका थिए । शुक्रबार राति अवेश सम्पन्न मत गणनाबाट नेपाली कांग्रसको नेतृत्वमा युवा पुस्तको बचस्सो रहेको छ ।