वालिङ,२६ कात्तिक– पेट्रोलियम पदार्थको मुल्य वृद्धिको विरुद्ध अनेरास्ववियु स्याङ्जाले विरोध प्रदर्शनगरेको छ । शुक्रबार अनेरास्ववियु वालिङमा विरोध ¥याली सहित कोण सभा गरेको छ । वालिङ बहुमुखी क्याम्पसबाट निस्किीएको ¥याली भकुण्डेमा पुगेर कोणसभामा परिणत भएको थियो । कोणसभालाई सम्बोधन गर्दै अनेरास्ववियु स्याङ्जाका संयोजक सगुन रानाले तत्काल मुल्य वृद्धि फिर्ता लिन आग्रह गर्नुभयो ।

पेट्रोलियम पदार्थको मुल्य वृद्धि हुँदा दैनिक उपभोग्य खाद्य वस्तुको समेत मुल्य वृद्धि हुने देखिएकाले यसको प्रत्यक्षमा मारमा विद्यार्थी र आम नागरिक पर्ने भएकाले यो मुल्य वृद्धि तत्काल फिर्ता लिन उहाँले आग्रह गर्नुभयो ।

मूल्य वृद्धिका विषयमा सरकार लाचारी देखिएको भन्दै आम नागरिकलाई प्रत्यक्ष मार पार्ने गरी भएको पेट्रोलियम पदार्थको मुल्य वृद्धि फिर्ताका लागि यो सांकेतिक दबाब रहेको अनेरास्ववियुले जनाएको छ । मुल्य वृद्धि फिर्ता नभए चरणबद्ध आन्दोलनको घोषणा गर्ने अनेरास्ववियुले चेतावनी समेत दिएको छ । कार्यक्रममा जनता मार्न पाईँदैन् पेट्रोलियम पदार्थको मुल्य फर्ता गरलगायतका नारा लेखिएका प्लेकार्ड प्रर्दशन गरेको थिए ।

सरकारले पछिल्लो पटक यही कात्तिक २४ गते पेट्रोल, डिजेल, मट्टितेल र खाना पकाउने ग्यासको मुल्य वृद्धि गरेको थियो । पेट्रोल, डिजेल र मट्टितेलमा प्रतिलिटर ३ रुपैयाँले र खाना पकाउने एलपी ग्यासको मुल्य प्रतिसिलिन्डर ७५ रुपैयाँले बढाएको छ ।