फाइल तस्विरः
वालिङ,२४ असोज– वालिङ नगरपालिका १० मोदिखोलामा जिप दुर्घटना हुदा दुई जनाको मृत्यु भएको छ भने १३ जना घाईते भएका छन् ।
आज साँझ वालिङदेखि पकवादी तर्फ जादै गरेको ग १ ज ४९१८ नम्बरको जिप दुर्घटना हुदा जिपमा सवार गल्याङ नगरपालिका १० का ७७ वर्षीय दलबहादुर पल्ली र सोही ठाउँकी ३२ वर्षीय गंगी पल्लीको घटना स्थलमै मृत्यु भएको वडा प्रहरी कार्यालय वालिङका प्रमुख प्रहरी निरीक्षक हरिप्रसाद पौडेलले जानकारी दिनुभयो ।
दुर्घटनामा परी घाईते हुनेहरु मध्ये ११ जनालाई थप उपचारको लागि पोखरा लगिएको छ भने २ सजा गह्रौ प्राथमिक अस्पताल वालिङमा समान्य उपचार पछि घर फर्किएको प्रहरीले जनाएको छ । जिप उकालोमा ब्रेक फेल भएर झण्डै एक सय मिटर तल झरेको प्रहरीले जनाएको छ ।