बुटवल,२५ असोज– रुपन्देहीको मोतिपुर औद्योगिक क्षेत्रमा आइतवार भएको झडपमा परि तीन जनाको मृत्यु भएको छ । भने तीन जनाको अवस्था गम्भीर रहेको जिल्ला प्रहरी कार्यालय रुपन्देहीले जनाएको छ । औद्योगिक क्षेत्रमा भएको झडपमा सुरक्षा कर्मीले गोली चलाउदा मृत्यु भएको हो ।
घाईतेहरुको भैरहवाको युनिभर्सल मेडिकल कलेजमा उपचार भइरहेको छ । उपचारारत १३ जना घाईतेहरु मध्ये तीन जनाको मृत्यु भएको हो ।
मोतिपुर औद्योगिक क्षेत्रमा आईतबार भएको झडपमा परि २० बढी घाईते भएका थिए अन्य घाईतेहरुको लुम्बिनी प्रादेशिक अस्पताल बुटवलमा उपचार भईरहेको छ । झडपमा परि पाँच जना प्रहरी समेत घाईते भएका छन् ।
आइतवार दिउँसो सुकुम्वासी बस्तीमा अतिक्रमित टहरा हटाउन खोज्दा प्रहरी र सुकुम्वासी विच झडप भएको थियो ।
जिल्ला प्रशासन कार्यालय रुपन्देहीले बुटवलको मोतिपुर औद्योगिक क्षेत्र तथा वरिपरीको भूभागमा आइतबार साँझ ४ बजेदेखि कफ्र्यू लगाएको छ ।
प्रमुख जिल्ला अधिकारी ऋषिराम तिवारीले आइतवार जारी गरेको आदेशमा आइतवार साँझ ४ बजेदेखि अर्को आदेश जारी नभएसम्मका लागि क्रफ्यु लगाएको उल्लेख गरिएको छ ।