काठमाडौं,९ भदौ– नेकपा एकीकृत समाजवादी पार्टी दर्ताका लागि नेकपा एमालेका ५५ केन्द्रीय सदस्यले सनाखत गरेका छन् । नयाँ दल दर्ताका लागि आज निर्वाचन आयोग पुगेर ५५ केन्द्रीय सदस्य र २९ सांसदले सनाखत गरेका हुन् ।

सरकारले दल विभाजनका लागि २० प्रतिशत केन्द्रीय सदस्य वा संसदीय दलका सदस्य भए पुग्ने गरी अध्यादेश ल्याएपछि नायाँ दल दर्ताका लागि माधव कुमार नेपाल पक्षका केन्द्रीय सदस्य र सांसद निर्वाचन आयोगको कार्यालय पुगेर दल दर्तामा हस्ताक्षर गरेका हुन् । यस अघि नयाँ पार्टी दर्ताका लागि आफ्नो नाम राखिएकोमा विरोध जनाउनुभएका प्रदिप नेपाल समेत आज आयोगको कार्यालय पुगेर नयाँ दल दर्ताको पक्षमा हस्ताक्षर गर्नुभएको छ ।