वालिङ,५ भदौ– वालिङ नगरपालिका १४ मा रहेको उपल्लो पेखु माध्यमीक विद्यालयका प्रधानाध्यापक दुर्गाप्रसाद ढकालको निधन भएको छ ।
कोरोना संक्रमणदेखिएपछि केही दिन देखि पोखरा स्थित फेवासिटी अस्पतालमा उपचारारत रहनुभएका ढकालको गएराती पोखरामा उपचारकै क्रममा निधन भएको हो ।

अर्जुनचौपारी गाउँपालिका ६ स्थायी घर भइ वालिङमा बसेर शिक्षण पेशा गर्दै आउनुभएका ढकाल नेपाल राष्ट्रिय शिक्षक संगठन वालिङका सचिव र नेल्टा स्याङ्जाका कोषाध्यक्ष समेत हुनुहुन्थ्यो । ढकालको निधनले संगठनलाई अपुर्णीय क्षेती पुगेको भन्दै नेपाल राष्ट्रिय शिक्षक संगठनले ढकालको निधनमा दुःख व्याक्त गरेको छ ।

ढकालको आजै पोखरा स्थित रामघाटमा परिवार एवं आफन्तको उपस्थितीमा अन्तिम दाहासंस्कार गरिएको नेपाल राष्ट्रिय शिक्षक संगठनका केन्द्रिय राष्ट्रिय परिषद सदस्य यामबहादुर कुँवरले जानकारी दिनुभयो । ढकाललाई गण्डकी प्रदेश विद्यायन समितिका सभापति मोहन रेग्मी र कुँवरले पार्टीको झण्डा ओडाएर अन्तिम श्रद्धाञ्जली दिनुभएको थियो । ढकालको निधन संगै जिल्लामा शिक्षण पेशामा रहेका शिक्षकहरुमा त्रास बढेर गएको छ भने शिक्षक एवं विभिन्न संघ संस्थामा आवद्ध व्याक्तिहरु द्वारा दुःख व्याक्त गरेका छन् ।