वालिङ,५ भदौ– पूर्व मन्त्री पद्मा कुमारी अर्यालले कृषिबाटै देशको अर्थतन्त्र बलियो बनाउन सकिने बताउनुभएको छ । वालिङ नगरपालिका २ मा रहेको जनकल्याण साना किसान कृषि सहकारी सस्था लिमिटेडले गरेको बाख्रा पर्वद्धन कार्यक्रममा बोल्दै पुर्व मन्त्री अर्यालले कृषिमा आधुनिकिकरण गर्दै व्यवसायीक कृषि कर्म गरेमा कृषक संगै देशको माथि उठाउन सकिने बताउनुभएको हो ।

उहाँले सबै वडा कृषि उपजमा आत्मनिर्भर बनाउन आफु कृषि मन्त्री हँुदा थुप्रै कार्यक्रमहरु ल्याएको र ती कार्यक्रमहरुलाई निरन्तरता दिन सके किसानको आयआर्जनमा बृद्धिहुने बताउनुभयो । दुध, अण्डा, मासु र तरकारीजन्य बस्तु मात्र अरबौँको आयत हुने गरेको अवस्थामा समुह मार्फत व्यवसायीक कृषि गर्दै आयातलाई रोक्नु अहिलेको आवश्यकता रहेको पूर्व मन्त्री अर्यालको भनाइ थियो । कृषकले माटो सुहाउँदो फलफुल तथा तरकारी नलगाएकै कारण कृषकको आम्दानीमा कमी आएको उहाँले बताउनुभयोे ।