गोपाल जिटी

वालिङ,११ साउन– गाउँमा पशुपालन गरेर महिनामा लाखौं कमाई गर्न सकिन्छ भनेर धेरैले विश्वास गर्न नसकिरहेका बेला गल्याङ २ कि एक महिलाले चुनौति दिनुभएको छ । गल्याङ २ इलुङ्गाकी टीका कुमारी रानाले पशुपालन व्यवसाय गरेर महिनामा द्ुई लाख भन्दा बढि कमाई गरेर उदाहरणीय बन्नुभएको छ ।
आँट र जाँगर हुने हो भने घर गाउँमै महिनामा लाखौं कमाउन सकिन्छ भन्ने उहाँको गाईपालन फर्मले पुष्टी गरेको छ । श्रीमान विदेश गएका कतिपय महिलाहरु शहर केन्द्रित हुने र विलासी जीवनमा रमाउने गरिरहेका छन् भने टीका कुमारीले २०७७ मंसिरदेखि गाउँमै गाईपालन सुरुगर्नुभएको हो । अरुको कमाइमा एकछिन रमायो, केही समयपछि समस्याले गाँजेर टाउको समाउनु भन्दा पेशा गरेर आय आर्जनमा जुट्नसके खुसी हुन सकिन्छ भन्ने टीका कुमारीको विश्वास छ ।
यति बेला टीका कुमारीको फर्ममा ५ वटा गाई र एक वटा स्थानीय जातको भैंसी छन् । संख्याका हिसावले त्यति धेरै अवस्य होइन तर राम्रोसँग पालन पोषण गर्ने हो भने थोरैबाट पनि धेरै उत्पादन लिन सकिन्छ भन्ने नमूना बनेको छ, टीका कुमारीको हर्षित पशुफर्म । त्यसैले त यति छोंटो समयमै पनि उहाँको फर्म हेर्न टाढा टाढादेखि आउने गर्दछन् । दैनिक १ सय २९ लिटर दूधबाट टीका कुमारीले मासिक दुई लाख भन्दा बढी आम्दानी गर्दै आउनुभएको छ ।
पहिला त श्रीमानले नगर, दुःख हुन्छ, बालबच्चा सानै छन्, उनिहरुको पढाइ लेखाई र आमाको हेरचाह गरेर बस भन्नुहुन्थ्यो । उहाँले त्यसो भन्दैमा मेरो मनले मानेन, किनकि उहाँ हाम्रो सुखका लागि विदेशको चर्को घाममा खटिनुभएको छ भने मैले पनि केही गर्नुपर्छ भनेर गाईपालन गर्न लागेको टीका कुमारीले बताउनुभयो ।
पशुपालनमा लगानी गरेर के हुन्छ र यो बौलाउन थालीसम्म भन्ने छिमेकीहरु पनि अहिले लोभिएको देख्दा आफुलाई खुसी लागेको टीका कुमारी बताउनुहुन्छ ।

बजारीकरणको लागि साना किसान कृषि सहकारीले सञ्चालन गरेको दूध डेरीले खरिद गरिदिने भएपछि विक्रिको लागि कुनै समस्या छैन । यसका साथै दूध उत्पादक किसानहरुका लागि नगरपालिकाले दिने गरेको प्रति लिटर १५ रुपयाँले पनि उनलाई महिनामा झण्डै साठी हजार प्राप्त हुन्छ छ । भने यसले पनि काम गर्न थप हौसला मिलेको टीकाले बताउनुभयो । यसका साथै रानाले नगरपालिकाबाट ५० प्रतिशत अनुदानमा पराल काट्ने मेशिन समेत पाउनुभएको छ ।
उहाँले मासिक एकजना महिलालाई रु १५ हजारको रोजगारी समेत दिनुभएको छ । अरुले के भन्छन् भनेर अल्मलिनु हुँदैन, भित्री मनबाट गर्छु भनेर लाग्ने हो भने सकिदो रहेछ, जुन आँपूmले गरिरहेको रानाको भनाई छ ।
धेरै दिदी बहिनीहरुका श्रीमान विदेश गएका छन्, कतिपय यतिकै खाली बस्ने र त्यही एउटाको कमाइमा भर पर्ने गर्नुहुन्छ, त्यसै खाली नबस्नुस्, केही न केही काम गर्नुस भन्ने टीका कुमारीको सुझाव छ । आप्mनो लागि आँपैm गर्नुपर्छ, अरुको मुख ताक्नुहुँदैन भन्ने पनि उनको धारणा छ । अधिकार चाहियो भनेर हुँदैन, काम गरेर पनि देखाउनुपर्छ । कसैले काम गर्न दिदैन भने त्यहाँ अधिकार खोज्ने हो, यसै बसेर अधिकारका कुरा गर्नु मुर्खता हुने उहाँको विचार छ ।
जीवनमा पैसा नभै हुँदैन, काम गरेर सानो बनिदैन,रोजगारीका साथै कमाइं पनि हुन्छ भने किन नगर्ने ? प्रत्येक महिलाहरु आय आर्जनमा जुट्न सक्यौं भने मात्र हामी सुखी र खुसी हुन सक्छौं । पैसाकै लागि धेरै दाजुभाई विदेशिनु भएको छ, त्यही पैसा यहीँ कमाइन्छ भने यो भन्दा सजिलो र राम्रो अरु के हुन सक्छ र ? त्यसैले पनि हामी सबैले आय आर्जन हुने गरी काम गर्नुपर्ने टीकाको भनाइ रहेको छ ।