वालिङ,१० असार–  ‘स्वस्थ, स्वच्छ, स्वतन्त्र र मर्यादित पत्रकारिता : श्रम अधिकार, प्रेस तथा अभिव्यक्ति स्वतन्त्रता’ भन्ने नारासहित श्रमिक पत्रकारको हकहितका लागि नयाँ संस्था दर्ता भएको छ ।

संस्थाका अध्यक्ष जन्मदेव जैसीले एक विज्ञप्ति जारी गर्दै श्रमजीवी पत्रकार संघ औपचारिक रूपमा दर्ता भएको जानकारी दिनुभएको छ।

‘सञ्चार क्षेत्रमा श्रमको मूल्य अझै सुरक्षित छैन । यो पेशालाई सुरक्षित, मर्यादित र पेशालाई पारदर्शी बनाउन दबाव दिने उद्देश्यले स्थापित श्रमजीवी-पत्रकार संघ, नेपाल पत्रकारिता क्षेत्रका क्रियाशील सम्पूर्ण श्रमजीवीको पक्षमा आवाज बुलन्द गर्ने विशुद्ध साझा संस्था हो,’ जैसीद्वारा जारी  विज्ञप्तिमा भनिएको छ ।