फाइल फोटो

काठमाडौं,२३ वैशाख– नेपालमा पछिल्लो २४ घण्टामा थप ९०७० जनामा कोरोना पुष्टि भएको छ भने थप ५४ जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार २० हजार ३६७ जनाको पीसीआर परीक्षणमा ८९७० र ७१७ एन्टिजेन परीक्षणमा १०० गरी ९ हजार ७० जनामा कोरोना संक्रमण पुष्टि भएको छ । त्यसै गरी पछिल्लो २४ घण्टामा कोरोना संक्रमणबाट २ हजार ७०७ जना निको भएका छन् ।

यो सँगै देशभर कोरोना संक्रमितको कुल संख्या ३ लाख ६८ हजार ५८० र निको हुनेको कुल संख्या २ लाख ९२ हजार ४९० पुगेको छ । यस्तै मृतकको कुल संख्या ३ हजार ५२९ पुगेको छ । यो सँगै देशभर सक्रिय संक्रमितको संख्या ७२ हजार ५६१ पुगेको छ ।