स्याङ्जा,२३ वैशाख– ईलाका प्रहरी कार्यालय चिसापानीबाट गस्तीमा खटिएको प्रहरीको गस्ती टोलीले हरिनास गाउँपालिका ३ कुसिनडाँडा जंगलमा ५ थान भरुवा बन्दुक बेवारिसे अवस्थामा फेला पारेको जनाएको छ । गस्ती गएको अवस्थामा फेला परेको बन्दुकका बारेमा अनुसन्धान भइरहेको जिल्ला प्रहरी कार्यालय स्याङ्जाका प्रहरी नायव उपरीक्षक राजेन्द्र प्रसाद अधिकारीकाले जानकारी दिनुभयो ।

यसै बिच चापाकोट नगरपालिका ५ हिलामराङ स्थित खोल्सामा लुकाई राखेको अवस्थामा चिरान गरेको सालको काठ बरामद गरिएको जिल्ला प्रहरी कार्यालय स्याङ्जाले जनाएको छ । जिल्ला प्रहरी कार्यालय स्याङ्जाका प्रहरी नायव उपरीक्षक राजेन्द्र प्रसाद अधिकारीका अनुसार ईलाका प्रहरी कार्यालय चापाकोट बाट खटिएको प्रहरीको टोलीले खोल्सामा लुकाइछिपाई राखिएको अवस्थामा बरामद गरिएको सो काठ आवश्यक कारबाहिको लागि सव बन डिभिजन कार्यालय दामाचौरमा बुजाएको छ ।