स्याङ्जा,२० वैशाख– कालीगण्डकी गाउँपालिकाले कोरोना भाइरस (कोभिड १९) को दोस्रो भेरियन्टको संक्रमण फैलिन नदिन र यसबाट बच्न स्वास्थ्य मापदण्डको पालना गर्न आग्रह गरेको छ । गाउँपालिका संक्रमणको उच्च जोखिममा रहेकोले पालिका बासिलाई अति आवश्यक बाहेकका काममा घर बाहिन ननिस्किन आग्रह गर्दै गाउँपालिकाले एक सूचना जारी गरेको छ ।

सोमबार गाउँपालिकाले एक सूचना जारी गर्दै अहिलेको यो विसम परिस्थितीमा सबैलाई सचेत रहन आग्रह गरेको हो । गाउँपालिका अध्यक्ष खिमबहादुर थापाले गाउँपालिकाले कोरोना संक्रमणबाट बच्न बिभिन्न सूचनामूलक कार्यक्रमहरु गर्दै आएको र यो अवस्थाबाट पालिकालाई जोगाउन सबै गाउँपालिका बासिलाई आग्रह गर्नुभयो ।
बाहिरबाट आउनेहरुलाई १० दिन होम क्वारिन्टिनमा बस्न आग्रह गर्दै कोरोना संग मिल्दो जुल्दो लक्षण देखिएमा पालिकाको स्वास्थ्य शाखामा सम्पर्क गर्न समेत पालिका बासिलाई अनुरोध गर्नुभएको छ ।