वालिङ,२४ चैत–शिक्षण पेशा संगसंगै सांगितिक क्षेत्रमा समेत लागेका शिक्षकहरुले रचना गरेको गीत ‘रातो कम्मल’ यतिबेला निकै चर्चामा रहेको छ । चापाकोट नगरपालिका स्थित गंगालाल मावि र जनजागृती माविमा कार्यरत शिक्षकहरुले निकालेको ‘रातो कम्मल’ बोलको दोहोरी गीत चर्चित बने संगै शिक्षकहरु थप उत्साहित बनेकाछन् ।
शिक्षकहरुले शब्द लेखन देखि भाका समेत चयन गरे संगै गीत सार्वजनीक गर्ने योजना अनुसार मायापिरतीमा आधारित यो दोहोरी गीत बजारमा आएको हो । गंगालाल माविमा कार्यरत शिक्षक रामचन्द्र न्यौपानेले शिक्षण पेशा संगसंगै आफुभित्र रहेको क्षमतालाई पनि बाहिर ल्याउनुपर्छ भन्ने लागेर साथिहरुको संयुक्त प्रयासबाट ‘रातो कम्मल’ बोलको गीत बजारमा ल्याउन सफल भएको बताउनुभयो ।

गंगालाल माविमा कार्यरत ५ जना र जनजागृती माविका प्रअ सहित ६ जना शिक्षक शिक्षक रामचन्द्र न्यौपाने, उत्तम अधिकारी, दुर्गा प्रसाद कोईराला, शिशिर आचार्य ,रघुनाथ भट्टराई र गौरब भट्टराई मिलेर सो गीत बजारमा ल्याएका हुन् ।
गीतमा सुनिता बुढा क्षेत्री र विश्व विनोदले स्वर दिएकाछन् भने सुनिता संगितिक बजारमा चलेकी गायिका हुन ।
काठमाण्डौँकोमा छायांकन गरिएको गीतको भिडियो भाबना म्युजिक सोलुसन मार्फत बजारमा ल्याइएको हो ।