स्याङ्जा,२४ फागुन–लियो क्लब अफ वालिङ सिटिले १ सय ११ आंै अन्तराष्ट्रिय नारी दिवसको अवसरमा स्वास्थ्यकर्मीलाई सम्मान गरेको छ । क्लबले नारी दिवसका अवसरमा कोभिढ १९ नियन्त्रण तथा रोकथामका लागि अग्रपंक्तिमा रहेर सेवा गरेको भन्दै स्वास्थ्यकर्मीलाई सम्मान कार्यक्रम गरेको हो ।
सम्मान कार्यक्रममा वालिङ नगरपालिका उपप्रमुख कल्पना तिवारीले कोभिड रोकथामका लागि स्वास्थ्यकर्मीहरुको निकै ठुलो भुमिका रहेको भन्दै यसको कदर गर्दै क्लबले गरेको सम्मान प्रशंसनीय रहेको बताउनुभयो । साथै उहाँले महिला समानता र सम्मानका लागि संविधानमा प्रदत्त हक अधिकारको उचित कार्यान्वयन हुनुपर्ने बताउनुभयो ।
कार्यक्रममा वालिङ नगरपालिका १२ सिर्सेकोट स्वास्थ्य केन्द्रकी अनमी कस्मिता श्रेष्ठ र डुडखोला शहरी स्वास्थ्य केन्द्रकी लक्ष्मी थापालाई सम्मान गरेको क्लबका अध्यक्ष दिक्षान्तप्रताप खांणले जानकारी दिनुभयो ।
कोभिडको महामारीलाई रोक्न स्वास्थ्यकर्मीहरुको योगदान अतुलनिय रहेको भन्दै क्लबले सम्मान कार्यक्रम गरेको अध्यक्ष खांणले बताउनुभयो । सम्मानित द्वोय श्रेष्ठ र थापालाई सम्मानपत्र र दोसल्ला ओढाएर सम्मान गरिएको हो ।