वालिङ,२ फागुन–वालिङ नगरपालिका वडा नम्बर ९ मा निमार्ण गरिएको काजक्रिया भवनको उद्घाटन गरिएको छ । पेन्सन क्याम्परोड आमा समूहद्वारा वालिङ ९ घुर्पालमा निर्माण गरिएको काजक्रिया भवनको वालिङ नगरपालिकाका प्रमुख दिलिपप्रताप खाँणले एक कार्यक्रमका विच उद्घाटन गर्नुभएको हो । उद्घाटन कार्यक्रममा बोल्दै नगरप्रमुख खाँणले सहरिकरणको बढ्दो अवस्थामा यस प्रकारका भवनहरुको अति आवश्यक पर्ने भएकोले संस्कार जोगाउनको लागि पनि यो कार्य निकै महत्वपूर्ण हुने बताउनुभो । नगरपालिकाले यस प्रकारका सामाजिक कार्यहरुको लागि सक्दो सहयोग गर्ने बताउनुभयो । कार्यक्रममा वडा नम्बर १० का अध्यक्ष अनन्तराज गैह्रेले महिला दिदीबहिनीहरुले महत्वपूर्ण काम गरेको भन्दै समाजको विकासको लागि सबै एक भएर लाग्दा हरेक काम गर्न सकिने बताउनुभयो । कार्यक्रममा सुरेश गैह्रेले शुभकामना मन्तव्य राख्नुभएको थियो भने कार्यक्रम श्यामला काफ्लेको अध्यक्षता र सीता डुम्रेको सञ्चालनमा सम्पन्न भएको थियो । भवन निर्मामा रु ६ लाख रुपैँया खर्च भएको सीता डुम्रेले जानकारी दिनुभयो ।
मसाजमा मृत्यु भइसकेपछि मृतकका परिवार एवं आफन्तजनलाई काजक्रिया गर्ने क्रममा सहयोग पुगोस भन्ने उद्देश्यले काजक्रिया भवनको निर्माण गरिएको आमा समूहले जनाएको छ ।