वालिङ,२७ माघ– स्मार्ट युथ क्लब वालिङले भकुण्डेमा खेलकुद प्रतियोगिताको आयोजना गर्ने भएको छ । क्लबले एकै पटक भलिबलका साथै सेभेन ए साइड फुटबल प्रतियोगिताको आयोजना गर्ने भएको हो । स्वास्थ्यको लागि खेलकुद राष्ट्रको लागि खेलकुद भन्ने मुल नाराका साथ क्लबले यहि फाल्गुन १ गतेदेखि खेल सञ्चालन गर्न लागेको क्लबका अध्यक्ष निर्मल गुरुङले जानकारी दिनुभयो ।
सम्पुर्ण युवाहरुलाई खेल मार्फत एकतावद्धगर्दे विकास निर्माणको कार्यमा लाग्न प्रोत्साहान गर्ने उद्देश्यले खेलकुदको आयोजना गरिएको क्लबका अध्यक्ष गुरुङले बताउनुभयो । कोरोना भइरस (कोभिड १९) को संक्रमणका कारण खेल क्षेत्र पनि प्रभावित भएकोले खेलाडिहरुलाई उर्जा प्रदान गर्ने योजना अनुसार प्रतियोगिताको आयोजना गरिएको क्लबले जनाएको छ ।

पूर्णामृत भवानि माविको खेल मैदानमा सञ्चालन हुने खेलको सम्पूर्ण तयारी पुराभएको छ, भने दुवै खेल भलिबल र फुटबल जिल्ला व्यापी क्लब स्तरीय हुने अध्यक्ष गुरुङले बताउनुभयो । भलिबल खेल तर्फ प्रथम पुरस्कार नगद रु एक लाख मेडल,प्रमाण पत्र,र ट्रफी राखिएको छ भने फुटबल तर्फ एक लाख एघार हजार एक सय एघार रुपैँया मेडल,प्रमाण पत्र,र ट्रफी रहेको आयोजक स्मार्ट युथ क्लबले जनाएको छ ।

वालिङ हस्पिटलको सूचना