स्याङ्जा,३ माघ– नेकपा प्रचण्ड–नेपाल समुहको आँधीखोला गाउँपालिकामा भेला एवं प्रशिक्षण कार्यक्रम सम्पन्न भएको छ । कार्यक्रमलाई नेकपाका केन्द्रीय सदस्य तथा पुर्व सांसद डा. विजय पौडेलले सम्बोधन गर्दै प्रधानमन्त्री केपी शर्मा ओलीले असंबैधानीक कदम चालेको बताउनुभयो । नेता पौडेलले भन्नुभयो, प्रधानमन्त्री केपी शर्मा ओलीले आफ्नै घरमा आगो लगाउनुभयो ।’ प्रधानमन्त्रीको यो कदमले नेकपा मात्रै नभएर मुलुकनै संकटमा पर्ने अवस्था आयो ।
संविधानको भावना र मान्यतालाई समेत ख्याल नगरी प्रधानमन्त्रीले प्रतिनिधि सभाको विघटनको सिफारिस गर्नु असंवैधानिक कदम रहेको पौडेलको भनाइ थियो ।
सरकारलाई काम गर्न नदिएका कारण पार्टी फुटेको भन्ने कुरामा कुनै सत्यता नभएको भन्दै पौडेलले ओली तानाशाही शैलीमा अगाडी बढेको आरोप लगाउनुभयो ।
कार्यक्रममा केन्द्रिय सदस्य देवेन्द्र पराजुली, धनराज आचार्य, जिल्ला कार्यालय सदस्य रामचन्द्र भट्टराई, शैलेन्द्र घिमिरे, खड्कबहादुर नेपाली, आँधीखोला गाउँपालिका उपाध्यक्ष शर्मिला पौडेल लगायतले बोल्नुभएको थिए ।