पोखरा, १८ पुुस– पोखरा माहानगरपालिका १६ मा रहेको अन्नपुर्ण आत्मनिर्भर बाल आश्रममा बस्दै आएका ४० जना बालबालिकाको निशुल्क आँखा परिक्षण गरिएको छ । विएम टिपीबी फाउण्डेसन आई केयर सेन्टरले शुक्रबार आँखा शिविरको आयोजना गरेर आश्रममा बस्दै आएका बालबालिकाको आँखा परिक्षण गरेको हो ।

अंग्रेजी नयाँ वर्षको अवसर पारेर आँखा सिविरको आयोजना गरेको बताउदै फाउण्डेसनका अध्यक्ष डा बुद्धिमान श्रेष्ठले आश्रममा बस्दै आएका बालबालिकामा आँखा सम्बन्धि समस्यको बारेमा पहिचान गरेर आवश्यक सहयोग पु¥याउने उद्देश्यले शिविरको आयोजना गरिएको बताउनुभयो । केही समय पहिला स्याङ्जाको चापाकोटमा समेत फाउण्डेसनले शिविरको आयोजना गरेको थियो भने विगत दुई महिना महिना देखि चापाकोट नगरपालिका तथा आसपासका बासिन्दहरुलाई अत्याधुनिक प्रविधीबाट आँखा जाँच सम्बन्धी सुविधा प्रदान गर्दै आएको श्रेष्ठले जानकारी दिनुभयो ।