स्याङ्जा १६ पुस– नविकरणको म्याद सकिएका कारण नविकरण दर्ता नभएका फर्महरुलाई नविकरणको बाटो खुलेको छ । घरेलु तथा साना उद्योग विकास कार्यालय स्याङ्जामा नविकरणको म्याद सकिएका कारण दर्ता नभएका फर्महरुले २०७८ असार मसान्त सम्म नविकरण गर्न पाउने भएका छन् । नेपाल उद्योग वाणिज्य महासंघका केन्द्रिय सदस्य तथा वालिङ उद्योग वाणिज्य संघका अध्यक्ष शोभाकान्त पौडेलको पहलमा गण्डकी प्रदेश उद्योग वाणिज्य संघको अगुवाईमा गण्डकी प्रदेश सरकारको बुधबार बसेको मन्त्री परिषद बैठकबाट २०७८ असारसम्म म्याद थप गर्ने निर्णय गरेको हो । स्याङ्जाका ढेड सय फर्महरुलाई नविकरणको बाटो खुलेको महासंघका केन्द्रिय सदस्य पौडेलले बताउनुभयो ।