फाइल तस्विर
स्याङ्जा, ११ पुस–सिद्धार्थ राजमार्गको जाँडखोलामा बस र ट्रक एकआपसमा ठोकिँदा ६ जना घाईते भएका छन् । जिल्ला प्रहरी कार्यालय स्याङ्जाका अनुसार पोखराबाट वालिङ आउँदै गरेको लु १ ख ६५९४ नम्बरको ट्रक र पर्वतको फोक्सिङ बाट पोखरा जाँदै गरेको ना ५ ख ५१३९ नम्बरको बस एकआपसमा ठोकिँदा ६ जना घाईते भएका हुन् । पुतलीबजार नगरपालिका ११ को जाँडखोलामा भएको दुर्घटनामा बसमा सवार ५ जना र ट्रकका चालक गरी ६ जना घाईते भएको जिल्ला प्रहरी कार्यालयले जनाएको छ । घाईतेहरुलाई उपचारको लागि जिल्ला अस्पतालमा लगिएको र घटनाको विषयमा थप अनुसन्धान भईरहेको प्रहरीले प्रहरी नायव उपरीक्षक राजेन्द्रप्रसाद अधिकारीले जानकारी दिनुभयो ।