राधिका पाैडेल

स्याङ्जा,२७ भदाै- स्याङ्जाको फेदीखोला गाउँपालिका–१ मा सञ्चालित अमोर सेवा नेपाल बाल गृहकाे सामाजिक परीक्षण गरिएकाे छ। 

अन्धाअन्धी सामुदायिक विकास केन्द्रको सहजीकरणमा बाल गृहको सामाजिक परीक्षण गरिएको हो।

सामाजिक परीक्षण कार्यक्रममा बाेल्दै राप्रपा नेता एवं गण्डकी प्रदेशका पूर्वमन्त्री पञ्चराम गुरुङले बिभन्न चुनौतीका बीच साहस, धैर्यता र निरन्तरको मेहनतबाट बाल गृह सञ्चालन हुँदै आएको बताउनुभयाे।

अमोर सेवा नेपाल बाल गृहको आर्थिक वर्ष २०८२/०८३ को सामाजिक परीक्षण कार्यक्रममा बोल्दै गुरुङले स्याङ्जा जिल्लाको एक मात्र बाल गृहका रूपमा रहेको संस्थाले विभिन्न चुनौतीका बाबजुद पनि बालबालिकाको संरक्षण र हेरचाहा गर्दै आएकाेमा संस्थाकी अध्यक्ष कमला पराजुलीकाे प्रशंसा गर्दै आगामी दिनमा पनि आफूले सक्दाे सहयाेग गर्ने प्रतिबद्धता जनाउनुभयाे।

कार्यक्रममा बाल गृहको सञ्चालन, व्यवस्थापन तथा संस्थाले गर्दै आएका विभिन्न गतिविधिबारे संस्थाकी अध्यक्ष पराजुलीले  सरोकारवालालाई जानकारी गराउनुभएकाे थियो।