वालिङ,२३ वैशाख- वालिङ नगरपालिका वडा नम्बर १३ बायाँटारी स्थित झलुङ्गे बजारमा शनिबार राति प्रहरीलाई कुटपिट गरेको आरोपमा प्रहरीले तीन जना युवालाई नियन्त्रणमा लिएको छ । झलुङ्गे बजारमा युवाहरुले झैझगडा गरेको भन्ने सूचनाको आधारमा थुमपोखरा प्रहरी चौकीबाट प्रहरी सो ठाउँमा पुगेको र सम्झाउने क्रममा प्रहरी माथि नै आक्रमण भएको जिल्ला प्रहरी कार्यालय स्याङ्जाले जनाएको छ । मादक पदार्थ सेवन रेका युवाहरुको आर्कमण बाट थुमपोखरा प्रहरी थौकीका प्रहरी सहायक निरीक्षक मनोज कुमार सिंह घाइते भएको र कुटपिट गरेको आरोपमा वालिङ नगरपालिका वडा नम्बर १२ का २८ वर्षीय रविन गुरुङ, २५ वर्षीय काजी गुरुङ र २४ वर्षीय सुुदिप गुरुङलाई नियन्त्रणमा लिएर घटना बारे थप अनुसन्धान भइरहेको जिल्ला प्रहरी कार्यालय स्याङ्जाका प्रहरी नायव उपरीक्षक इन्द्रबहादुर रानाले जानकारी दिनुभयो । घाइते मनोज कुमार सिंहको पोखरा स्थित गण्डकी मेडिकल कलेजमा उपचार भइरहेको जिल्ला प्रहरी कार्यालय स्याङ्जाले जनाएको छ ।