हिमलाल पराजुली
वालिङ,१८ माघ-“हाम्रो गौरव हाम्रो शान, वालिङ महोत्सव हाम्रो पहिचान” भन्ने मूल नाराका साथ आठौं वालिङ महोत्सव आज देखि सुरु हुदैछ । वालिङ उद्योग वाणिज्य संघ र वालिङ नगरपालिकाको आयोजनामा हुन गहिरहेको महोत्वसको आज दिउसो गण्डकी प्रदेशका मुख्यमन्त्री सुरेन्द्रराज पाण्डेले उद्घाटन गर्ने कार्यक्रम रहेकोछ । महोत्सव आयोजक वालिङ उद्योग वाणिज्य संघले महोत्सवको सम्पूणर् तयारी पुरा भएको जनाएको छ ।
वालिङ उद्ययोग वाणिज्य संघका अध्यक्ष एवं महोत्सव आयोजक समितिका संयोजक चेतनारायण श्रेष्ठले सम्पूणर् नगरका साथै जिल्ला वासीहरुलाई वालिङ महोत्सवमा उपस्थित भएर महोत्सव सफपार्न आग्रह गर्नुभएको छ ।
जिल्लाकै मध्यभागमा रहेको वालिङ स्थित खेलमैदानमा हुन लागेको महोत्सवलाई सबैले चासोको रुपमा हेरेको पाइन्छ ।
महोत्सवमा कृषि, पर्यटन, कलासंस्कृतीकाका साथै स्थानीय उत्पादनलाई प्राथमिकता दिइएको वालिङ उद्योग वाणिज्य संघका महासचिव रमेश अर्यालले जानकारी दिनुभयो ।

महोत्सव निर्देशन समितिका संयोजक शोभाकान्त पौडेलले वालिङ महोत्सव वालिङको मात्रै नभएर समग्र स्याङ्जा जिल्लाकै पहिचान र प्रतिष्ठाको विषय भएकोले सबै आ-आफ्नो ठाउँबाट महोत्सवमा सहभागि भएर भव्यरुपमा सम्पन्न गर्न लागिपर्नुपर्न बताउदै यो महोत्सवले सिथिल बनेको आर्थिक अवस्थालाई चलायमान बनाउने समेत बताउनुभयो ।

पाँच वर्षको अन्तरालमा आज देखि सुरु हुनलागेको महोत्सवमा सबैक्षेत्रको व्यापक सहभागित रहने वालिङ उद्योग वाणिज्य संघका सचिव एवं महोत्सव प्रचाप्रसार समितिका संयोजक पिाताम्बर खनाल (सुसिल) ले जानकारी दिनुभयो ।
महोत्सवमा चार सय बढि स्टल रहेको र सबै स्टलहरु बुक भइसकेको वालिङ उद्योग वाणिज्य संघका सहकोषाध्यक्ष एवं महोत्सव स्टल संयोजक केशव पराजुलीले जानकारी दिनुभयो ।

वालिङ मोत्सवको सुरुहुने दिनसम्म आइपुग्दा धोजापतकाका साथै स्वागत द्वारले सिगारिएर वालिङ बजार झकिझकाउ देखिएको छ । महोत्सव भरको अवधिमा दश करोड बढिको कारोबार हुने आयोजकको भनाइ रहेको छ ।
आज दिउसो बिभिन्न झाकी एवं बाजागाजा सहितको र्याली सहित महोत्सवको उद्घाटन गर्ने तयारी रहेको छ । वालिङ खेल मैदानमा आज देखि सुरुहुने महोत्सव यही माघ २८ गते सम्म सञ्चालन हुनेछ ।