वालिङ,११ माघ- वालिङ उद्याेग वाणिज्य संघकाे आयाेजनामा यहि माघ १८ देखि २८ गते सम्म वालिङ खेल मैदानमा सञ्चालन हुने आठाैं वालिङ महाेत्सवमा स्थानीय ब्यापारीलाई सहुलियत दरमा स्टल उपलब्ध गराइने र कृषि एवं हस्तकलाकाे लागि निशुल्क स्टलकाे ब्यवस्था गरिएकाे वालिङ उद्याेग वाणिज्य संघका सहकाेषाध्यक्ष एवं स्टल संयाेजक केशव पराजुलीले जानकारी दिनुभयाे। 

कृषि र हस्तकलाकाे लागि ४५ स्टल बुकिङ भइसकेकाे र महाेत्सवमा ३ सय बढि स्टल रहने र खेल मैदानमा रहेकाे दुबाेलाई नछाेइकन मैदान भन्दा बाहिर स्टल निर्माण गरिएकाे संयाेजक पराजुली बताउनुभयाे। 

वालिङ उद्याेग वाणिज्य संघका सचिव एवं महाेत्सव प्रचारप्रसार समितिका संयाेजक पिताम्बर खनाल (सुसिलले) महाेत्सवकाे तयारी तिब्र रुपमा अगाडि बढेकाे बताउदै स्थानीय ब्यावसायीहरुका लागि ३० प्रतिशत छुटमा स्टल उपलब्ध गराउने जानकारी दिनुभयाे । स्थानीय ब्यापारीकाे प्रतिक्षामा रहेकाले बाहिरबाट माग भएपनि सबै स्टलहरु बुकिङ नगरेकाे खनालले बताउनुभयाे।