फाइल तस्विरः

वालिङ,६पुस-राष्ट्रिय स्वतन्त्र पार्टीका सभापति रवि लामिछानेले आगामी निर्वाचनमा पुराना दलहरु बढारिने बताउनुभएको छ ।
राष्ट्रिय स्वतन्त्र पार्टीले शुक्रबार वालिङमा आयोजना गरेको खुल्ला सभालाई सम्बोधन गर्दै सभापति लामिछानेले सो कुरा बताउनुभएको हो ।
साभापति लामिछानेले अब बोलेर मात्रै नहुने बताउदै काम गरेर देखाउनुपर्ने समय आएको समेत बताउनुभयो । पुराना दलहरुले बोल्ने र आश्वासन मात्रै दिने काम गरेको बताउदै आगामी निर्वाचनमा उनीहरु स्वत बढारिने लामिछानेको दावी थियो ।
रास्वपा भ्रष्टाचार विरुद्धको महाअभियानका साथ स्थापित भएको भन्दै रास्वपाका सांसदहरुले ंसंसदमा सशक्त भूमिकाका साथ अगाडि बढेको बताउदै अन्तराष्ट्रिय स्तरमा समेत रास्वपाका सांसदहरु चर्चामा आएको सभापति लामिछानेको भनाइ थियो. । सभापति लामिछानेले भीरकोट र गल्याङमा आयोजित कार्यक्रममा समेत सम्बोधन गर्नुभएको थियो ।