वालिङ,३१भदौ- शिक्षक महासंघ स्याङ्जाले विद्यालयको पठनपाठन ठप्प पारेर असोज ३ गतेदेखि काठमाडौँमा हुने अनिस्चितकालीन आन्दोलनमा सहभागि हुन जिल्ला स्थित सम्पूणर् शिक्षक एवं विद्यालयका कर्मचारीहरुलाई अपिल गरेको छ ।
नेपाल शिक्षक महासंघ स्याङ्जाका अकार्यबहाक अध्यक्ष बन्दना लम्साल सचिव लोकबहादुर गुरुङ सहित शिक्षक संग सम्बन्धित जिल्ला स्थित अन्य संघ संगठनको हस्तक्षरित अपिलमा यही भदौ २७ गते नेपाल सरकार शिक्षा, विज्ञान तथा प्रविधि मन्त्रालयद्वारा संघीय संसदमा दर्ता भएको विद्यालय शिक्षा सम्बन्धी मनूनलाई संसोधन र एकिकरण गर्न बनेको विधेयक २०८० ले आम नेपाली विद्यालय शिक्षक, कर्मचारी तथा बालविकास शिक्षकहरुका माग मुद्धाहरु प्रति पूणर्त वेवास्ता गरी कुनै सम्बोधन नगरेको र सरकारसंग विगतमा भएका विभिन्न ५१ र ३० बुँदे सहमतीको पालना नभएकोले संसदमा पेश भएको विधेक प्रति शिक्षक महासंघको असहमती रहेको जनाउदै आन्दोलनमा उत्रीएको अपिलमा भनिएको छ ।आन्दोलनमा क्रममा विद्यालय बन्द भएको क्षतिपुर्ति अन्य सार्वजनिक विदाहरुमा पठनपाठन गरेर पुरा गर्ने प्रनिवद्धतख समेत अपिलमा उल्लेख गरिएको छ ।
शिक्षकहरुको यो अनिस्चितकालीन आन्दोलनको घोषणाले देशभरका सामुदायीक विद्यालयहरुको पढाइ प्रभावित हुने भएको छ । शिक्षक महासंघको आन्दोलन प्रति नेपाल शिक्षक संघ स्याङ्जा, नेपाल राष्ट्रिय शिक्षक संगठन स्याङ्जा, एकीकृत अखिल नेपाल शिक्षक संगठन स्याङ्जा, नेपाल राहात शिक्षक समिति स्याङ्जा र नेपाल विद्यालय कर्मचारी परिष्दस्याङ्जाले समेतले एकेवद्धता जनाउदै सो संगठनका प्रमुख एवं प्रतिनिधिहरुले सो अपिलमा हस्ताक्षर गरेकाछन् ।