वालिङ,१९ भदौ– चापाकोट नगरपालिका १० भुमरीघाटमा रथ यात्रा गरिने भएको छ ।
चापाकोट १० भुमरीघाटमा रहेको राधाकृष्ण मन्दिरको आयोजनामा श्रीकृष्ण जन्माष्टमीको अवसर पारेर बुधबार २० गते रथ यात्रा गरिने भएको हो । बुधबार बिहान ७ः३० बजे पूजाको सुरुवात संगै ८ बजे भजन कृतन सहित रथ यात्रा सुरु गरिने रेशम भट्टराईले जानकारी दिनुभयो । रथ यात्रा आधिघाट,किसान हुदै चापाकोटको सुन्तलीटार बजारको परिक्रमा गरेर पून भुमरीघाट राधाकृष्ण मन्दिरमा आएर पूजा आजा सहित भजन कृतनका साथै लक्ष्यवर्ती प्रज्वलन गर्ने कार्यक्रम रहेको मन्दिर व्यवस्थापन समितिले जनाएको छ । सो रथ यात्रा कार्यक्रमा साभागि भैदिनुहुन सम्पूर्ण चापाकोट बासिलाई आयोजकको आग्रह रहेको छ ।