वालिङ,२४ साउन- “आफूले निर्धारण गरेअनुरुपको परिवर्तनको संवाहक आदिवासी युवाहरू” भन्ने नाराका साथ २९ औँ विश्व आदिवासी दिवस मनाईएको छ । नेपाल आदिवासी जनजाति पत्रकार महासंघ फोनिज स्याङ्जा शाखाले २९ औँ विश्व आदिवासी दिवस तथा २४औँ फोनिज स्थापना दिवस दीप प्रज्वलन गरी मनाएको हो ।
वालिङ ८ मिर्दिमा आयोजित दीप प्रज्वलन कार्यक्रमका अवसरमा फोनिज स्याङ्जाका सल्लाहकार गोपाल जिटिले आदिवासी जनजातिको उत्थानका निमित्त संविधानमा प्रदत्त अधिकारहरुको कार्यान्वयन गर्नका लागि फोनिजले महत्वपूणर् भूमिका निर्वाह गर्नुपर्ने बताउनुभयो ।
साथै सल्लाहकार जिटीले आफ्नै मौलिक भाषा, संस्कृति, भुेषभुषा भएको आदीबासी जनजाति समुदायको संस्कारलाई जिवन्त राख्न फोनिजको कलम चल्नुपर्ने बताउनुभयो । आदिवासी जनजातिको राम्रा, सकारात्मक परम्परा र मौलिकतालाई जोगाउँदै युवाहरुलाई अगाडि बढाउन फोनिज प्रतिवद्ध भएर लागिपर्ने फोनिज स्याङ्जाका अध्यक्ष तिलक गुरुङले बताउनुभयो ।