वालिङ,५ चैत– त्रिभुव विश्वविद्यालय अन्तरगतका क्याम्पसहरुमा आज छिटपुट बाहेकका क्याम्पसमा स्वतन्त्र विद्यार्थी युनियनको निर्वाचन सम्पन्न भएको छ ।

स्याङ्जाको मिर्मी बहुमुखि क्याम्पसमा अनेरास्ववियुको तर्फबाट उम्मेदवार बन्नुभएकी मुना न्यौपाने निर्विरोध स्ववियु सभापतिमा निर्वाचित हुनुभएको छ । अन्य संगठनले उम्मेदवारी नदिएपछि न्यौपाने निर्विरोध निर्वाचित हुनुभएको हो ।

यसै गरी उपसभापतिमा अनेरास्ववियुकै शिक्षा पाण्डे, सचिवमा अभिषेक पाण्डे, सदस्यमा अनिता गौडेल, देवि भट्टराई, तारा पाण्डे, भिमा न्यौपाने, विना न्यौपाने, मतिसरा पाण्डे, मनिषा भुसाल लगायत निर्वाचित हुनुभएको छ ।