वालिङ,२० फागुन– नेकपा एमालेले पार्टीको केन्द्रीय कमिटीको निर्णय अनुसार देशैभर सुरु गरिएको पार्टी सुदृढीकरण तथा विस्तार अभियान ‘मिसन ग्रासरुट’ अभियानलाई स्याङ्जामा तीव्र पारिएको छ ।

जिल्लाको कालीगण्डकी गाउँपालिका,गल्याङ नगरपालिका,अर्जुनचौपारी गाउँपालिका,पुुतलीबजार नगरपालिका लगायतका पालिकाहरुमा ‘मिसन ग्रासरुट’ अभियान अन्तरगत विभिन्न कार्यक्रमहरु सम्पन्न गरिएको छ । अभियानका क्रममा नेकपा एमाले केन्द्रीय कमिटी सचिव पद्मा कुमारी अर्यालले एमाले जनताको विचमा आएको र यो अभियानले पार्टीलाई चलायमान बनाउनुका साथै जनतासंगको सम्बन्धलाई थप मज्बुद बनाउने बताउनुभयो ।

सचिव अर्यालले कार्यक्रताहरुलाई पार्टीको यो अभियानलाई व्यापक बनाउन आआफ्नो क्षेत्रबाट खट्न समेत आग्रह गर्नुभयो ।
एमालेका विरुध देशी विदेशी शक्तिहरु लागि परेको र यो घेराबन्दीलाई एमालेले प्रास्त गर्ने बताउनुभयो । उहाँले भन्नुभयो, “एमालेका विरुध गरिएको अपवित्र गठबन्धन देश र जनताको हितमा छैन । यसले देशलाई उधोगतितर्फ धकेलेकोछ ।” अहिलेको निर्वाचनको परिणामले देशमा स्थायीत्वको समाधान दिन नसकेको बताउदै मुलुकको राजनीतिमा विदेशी शक्तिको चलखेल छरपष्टरुपमा देखिएको सचिव अर्यालको भनाइ थियो ।