वालिङ,२३ असोज– यही मंसिर ४ गते हुने प्रतिनिधि सभा र प्रदेश सभा निर्वाचनको लागि सत्तारुढ दल गठबन्धन बनाएर निर्वाचनमा जाने सहमति भएपनि स्याङ्जामा भने गठन्धनमा विवाद आएको छ ।

गठबन्धनमा आवद्ध शिर्ष नेताहरुले केन्द्रमा प्रतिनिधिसभा र प्रदेशसभाको लागि सिठ बाड्फाड गरेपनि स्याङ्जामा भने विवाद भएपछि गठबन्धनमा आवद्धदल नेपाली कांग्रेस, एकीकृत नकपा र नेकपा समाजवादी विच उम्मेदवारको विषयमा विवाद हुदा आआफ्नै तरिकाले उम्मेदवारी दर्ता भएको छ ।

गठबन्धनको शिर्ष तहमा भएको सहमतिको निर्णय अनुसार स्याङ्जाको प्रतिनिधिसभा तर्फ दुई निर्वाचन क्षेत्रमा नेपाली कांग्रेसका उम्मेदवारी दिने र प्रदेश तर्फ निर्वाचन क्षेत्र १ कमा एकीकृत माओवादी र निर्वाचन क्षेत्र नम्बर २ क मा नेकपा समाजवादीलाई दिने र बाकी रहेको प्रदेशसभा तर्फका निर्वाचन क्षेत्र नम्बर १ ख र निर्वाचन क्षेत्र नम्बर २ ख मा नेपाली कांग्रेसका उम्मेदवारले उम्मेदवारी दर्ता गर्ने सहमति भएपनि जिल्लामा यो सहमति कार्यानवयन नहुदा गठबन्धनमा आवद्ध दलहरुले छुट्टाछुट्टै उम्मेदवारी दर्ता गराएकाछन् ।

क्षेत्र नम्बर १ क मा नेकपा माओवादीको तर्फबाट अमृता थापा र क्षेत्र नम्बर २ क मा नेकपा समाजवादीका जिल्ला अध्यक्ष रामचन्द्र भट्टराईले प्रदेशसभा सदस्यको लागि आफ्नो उम्मेदवारी दर्ता गराउनुभएको छ । उम्मेदवारी दर्ता पश्चात संचारकर्मीहरु संग प्रतिकृया दिदै समाजवादीका जिल्ला अध्यक्ष भट्टराईले आफुहरु गठबन्धनको निर्णय अनुसार अगाडी बढेको बताउनुभयो । अन्य निर्णयका बारेमा आफुहरुलाई केही जानकारी नआएको उहाँको भनाइ थियो ।

नेकपा माओवादी र समाजवादीको भागमा परेका भनिएका दुवै क्षेत्र मा कांग्रेसको तर्फबाट क्रमस मेखलाल श्रेष्ठ र भोजराज अर्यालले उम्मेदवारी दर्ता गराउनुभएको छ । जिल्लामा गठबन्धन आवश्यक नभएको र कांग्रेस एकलै निर्वाचन लड्नुपर्ने भन्दै कांग्रेस कार्यक्रताले दवाव दिदै आएका थिए ।

नेपाली कांग्रेसकाो तर्फबाट निर्वाचन क्षेत्र नम्बर २ बाट प्रतिनिधिसभा सदस्यको लागि उम्मेदवारी दर्ता गराउनुभएका कांग्रेस उपसभापति धनराज गुरुङले स्याङ्जा सहित केही जिल्लामा गबन्धनका बिच समस्या आएको बताउनुभयो ।

यसैगरी राष्ट्रिय स्वतन्त्र पार्टीको तर्फबाट क्षेत्र नम्बर २ प्रतिनिधिसभा तर्फ टिकराज गुरुङ र राप्रपाको तर्फबाट लालगोपाल अर्यालले उम्मेदवारी दर्ता गराउनुभएको छ । अर्याल नेपाली कांग्रेस परित्याग गरेर केही दिन पहिले मात्रै राप्रपामा प्रवेश गर्नुभएको थियो ।

यसैगरी स्वतन्त्र तर्फ पनि उम्मेदवारी परेको छ । स्वतन्त्र उम्मेदवार दिनेमा सागर ढकाल रहनुभएको छ ।