वालिङ,२३ असोज– यही मंसिर ४ गते हुने प्रतिनिधि सभा र प्रदेश सभाको लागि नेपाली कांग्रेसको तर्फबाट कांंग्रेसका उम्मेदवारले आआफ्नो निर्वाचन क्षेत्रमा उम्मेदरी दर्ता गराएकाछन् ।
नेपाली कांग्रेसका उपसभापति धनराज गुरुङले स्याङ्जा क्षेत्र नम्बर २ बाट प्रतिनिधि सभा सदस्यको लागि वालिङ नगरपालिकामा रहेको निर्वाचन अधिकृतको कार्यालयमा पुगेर आफ्नो उम्मेदवारी दर्ता गराउनुभएको छ ।
यसैगरी क्षेत्र नम्बर २ प्रदेशसभा क बाट कांग्रेस नेता भोजराज अर्यालले उम्मेदवारी दर्ता गराउनुभएको छ । प्रदेशसभा ख बाट महेश भट्टराईले उम्मेदवारी दर्ता गराउनुभएको छ ।
उम्मेदवारी दर्ता गराए संगै कांग्रेस उपसभापति गुरुङले मुलुकलाई भ्रष्टाचार मुक्त बनाउनको लागि आफुले उम्मेदवारी दिएको र पहिलो प्राथमिकता सुशासन कायम गर्ने बताउनुभएको छ ।
यसै गरी क्षेत्र नम्बर १ बाट प्रतिनिभि सभासदस्यको लागि नेपाली कांग्रेसको तर्फबाट कांग्रेस स्याङ्जाका सभापति राजु थापाले उम्मेदवार दिनभएको छ भने प्रदेशसभा क बाट मेखलाल श्रेष्ठले उम्मेदवारी दर्ता गराउनुभएको छ भने प्रदेशसभा ख बाट कुमार रानाले उम्मेदवारी दर्ता गराउनुभएको छ ।