वालिङ,१९ चैत– यस वर्षको एसईई परीक्षा सुरु आजबाट सुरु भएको छ । यस वर्षको एसईई परीक्षामा जिल्लाबाट ४ हजार २ सय ७५ विद्यार्थी सहभागी भएको शिक्षा विकास तथा समन्वय ईकाइ स्याङ्जाले जनाएको छ ।
बिहान ८ बजेदेखि सुरुभएको परीक्षा ११ बजेसम्म सञ्चलन हुनेछ ।
परीक्षा बोर्डले यस वर्षको एईई परीक्षाको सामूहिक अनुगमनमा रोक लगाइएको छ । परीक्षा केन्द्रको अनुगमनका नाममा विभिन्न संघसंगठनका प्रतिनिधिहरु परीक्षा परीक्षा हलमा प्रवेश गर्दा परीक्षार्थीको लेखन कार्यमा अवरोध पुगेको गुनासो आएपछी बोर्डले सामूहिक अनुगमनमा रोक लगाएको हो । अनुगमनका लागि प्रत्येक जिल्लमा प्रमुख जिल्ला अधिकारीको संयोजकत्वमा गठन गरिएको जिल्ला परीक्षा समन्वय समितिका आधिकारीक प्रतिनिधिबाट परीक्षा केन्द्रको बाहिर मात्र अनुगमन गर्ने बोर्डले निर्णय गरेको छ ।
परीक्षाको आज पहिलो दिन अनिर्वाय अंग्रेजी विषयको परीक्षा चलिरहेको छ । परीक्षा बोर्डका अनुसार यस वर्ष एसईई दिने विद्यार्थी संख्या ५ लाख १२ हजार ४ सय २१ जना रहेको छ ।