वालिङ,२४ फागुन- स्याङ्जा निर्वाचन क्षेत्र नम्बर २ बाट राष्ट्रिय स्वतन्त्र पार्टीका तर्फबाट प्रतिनिधि सभासदस्यकाे उम्मेदवार बन्नुभएका झविलाल डुम्रे विजयी हुनुभएकाे छ।

वालिङ नगरपालिका वडा नम्बर १४ स्थायी घर हुनुभएका डुम्रे २५ हजार ३ सय ५४  मत प्राप्त गरि विजयी हुनुभएकाे हाे ।  डुम्रेका प्रतिस्प्रधी नेपाली कांग्रेसकाे तर्फबाट उम्मेदवार बन्नुभएका भागवत प्रकाश मल्लले २० हजार ८ सय ३० मत प्राप्त गर्नुभएकाे छ। यसै गरि नेकपा एमालेका खिमबहादुर थापाले १४ हजार १ सय ८ मत प्राप्त गर्नुभएकाे छ।

डुम्रेले मल्ललाई ४ हजार ५ सय २४ मतान्तरले पछि पार्दै विजयी हुनुभएकाे हाे।

रास्वपाबाट राजनीतिमा सकृय रहनुभएका ३३ वर्षिय डुम्रेकाे विजयी संगै स्याङ्जाका दुई ओटै निर्वाचन क्षेत्रमा रास्वपाका उम्मेदवार विजयी भएका हुन। यश अघि स्याङ्जा निर्वाचन क्षेत्र नं १ बाट डा.धनञ्जय रेग्मी विजयी भइसक्नुभएकाे छ।