पोखरा,१९ वैशाख- पोखरामा ऐतिहासिक गण्डकी शतकुण्डीय कोटीहोम विराट् ज्ञान महायज्ञमा १४ दिनसम्म श्रीमद्भागवत कथा सुनाउनुभएकी अन्तर्राष्ट्रिय कथा वाचिका देवी प्रतिभाको बिहीबार बिदाई गरिएको छ । उहाँको बिदाईमा सबैका आँखा रसाए, कोटीहोम स्थल छोरीको विवाह घरजस्तै बनेको थियो । देवीको ‘प्यार से बोलेन’ भन्ने शब्द सम्झिएर भक्तजनसहित आयोजकका मन भारी थिए । उक्त क्षणमा देवी प्रतिभाको आँखामा आँशु टिल्पिलाए ।कोटीहोमका संकल्पकर्ता विजय कृष्णमूर्तिले फूलैफूलले पूजा गर्दै देवी प्रतिभाको बिदाई गर्नुभएकाे थियाे । देवीसहित उहनँको टिममा रहेर पोखरा आइपुगेका सबैलाई आयोजक मानवसेवा फाउण्डेशनले सम्मानसहित बिदाई गरेको थियो । देवी प्रतिभाको बिदाईमा संकल्पकर्ता विजय कृष्णमूर्ति निकै भावुक हुनुभएकाे थियाे भने अभिनन्दपत्र पढेर सुनाउने क्रममा भक्कानिदै पढ्नै नसक्ने अवस्थामा पुगेकाे दृश्य देखिन्थियाे ।

सो बेला कोटीहोम स्थल चकमन्न बनेको थियो । देवी प्रतिभा वैशाख ५ गते पोखरा आउनुभएकाे थियाे । उहाँ आज शुक्रबार बिहानै पोखराबाट भारत प्रथान गर्दैहुनुहुन्छ । आइतबादेखि झारखण्डमा देवीमार्फत कथा वाचन हुने बताइएको छ । जेठ १० देखि १६ गतेसम्मा देवी प्रतिभालाई पुनः पोखरा ल्याउने प्रयास भइरहेको संकल्पकर्ता विजय कृष्णमूर्तिले जानकारी दिनुभयाे। कथा वाचिका देवी प्रतिभाले ‘यो कोटीहोममा मेरो अन्तिम प्रस्तुति हो, मैले सुनाएका कथाले तपाईंहरु प्रशन्न हुनुभो ?’ भनेर प्रश्न गर्दा भक्तजनले् ठूलो स्वरमा ‘हामी निकै खुशी भयौँ, तपाईं अझै बसेर हामीलाई अन्य कथा पनि सुनाउनु’ भनेका थिए । शुक्रबार आजदेखि भारतका चर्चित युवा दार्शनिक एवं कथा वाचक प्रशान्त कृष्ण परांकुशले राम कथा वाचन गर्ने आयोजक मानव सेवा फाउण्डेशन तथा कोटीहोमका प्रचारप्रसार संयोजक लेखराज ढकालले जानकारी दिनुभयाे।