वालिङ,१ फागुन– नियन्त्रित लागूऔषधसहित वालिङमा एकजना पक्राउ परेका छन् । पक्राउ पर्नेमा कास्की जिल्ला पोखरा उपमहानगरपालिका वडा नम्बर २१ बस्ने २४ वर्षीय शिवजी तिवारी रहेको प्रहरीले जनाएको छ ।
सिद्धार्थ राजमार्ग अन्तर्गत वालिङ नगरपालिका वडा नम्बर १० भकुण्डेमा वडा प्रहरी कार्याल वालिङ बाट खटिएको प्रहरीको टोलीले सवारीसाधन चेकजाँच गर्ने क्रममा बिहीबार दिउसो बुटवलबाट पोखरा जाँदै गरेको बागमती प्रदेश ०१–००६ ख ७६५४ नम्बरको हाइसमा सवार तिवारीको साथबाट नोर्फिन (आइपिपिएल) ४९ एम्पुल, फेनरागन ६४ एम्पुल र डाईजेपाम ३४ एम्पुल गरी १४७ एम्पुल नियन्त्रित लागूऔषध फेला परेको जिल्ला प्रहरी कार्यालय स्याङ्जाका प्रवक्ता एवं सूचना अधिकारी प्रहरी नायव उपरीक्षक हरिप्रसाद पौडेलले जानकारी दिनुभयो ।

तिवारी संगै उनको साथमा रहेको नियन्त्रित लागूऔषध बरामद गरी थप अनुसन्धान प्रक्रिया अगाडी बढाइएको जिल्ला प्रहरी कार्यालय स्याङ्जाले जनाएको छ ।